Rauset støylen. Kor mange gongar eg har gått frå Sandsstøylen til Hestenesstøylen og sett opp på denne støylen som ligg høgt opp i fjellsida. Det er som om ein nesten ikkje orkar tanken på å begynne å gå eingong!
Men idag, etter å ha lest gjennom "Opptur" to gongar fann eg ut at det var ein passeleg tur å gå idag.
Me køyrde til Rauset, gjennom bommen, og køyrde mot Sandsstøylen. Men nokre hundre meter etter bommen sto der skilt Rausetstøylen. Eg tok av og parkerte. Skulle vel egentleg berre parkert på Rauset, litt lenger å gå men så slepp en å betale 30 kr i bomvegavgift.
Der er laga traktorveg til støylen og me gjekk den. Om ein vil gå råsa, følger ein traktorvegen til led nr 2. Rett etter det kjem ein inn på råsa om ein er litt observang. Kan sikkert gå inn på råsa lenger nede og.
Me brukte 50 minutt frå bilen og opp, men då gjekk me seint og tok oss tid til å gje sauene litt kjeks :)
Sørstranda, Bukta og Sandane i bakrunnen.
Både BRODD og Barnas turlag har bok. Ein får 3 poeng for turen hit.
Michael skreiv namnet sitt i Turborev boka :)
Når me gjekk råsa ned att kom vi forbi denne trolske elva.
Me gjekk siste del av råsa ned igjen, og den anbefalast! For ei flott rås! Den er steinbelagt og i trappetrinn nesten heile vegen! Idag var steinane var glatte sidan det regna. Ein ide er å gå råsa opp og vegen ned att.
Turen var til mi store overrasking lett å gå og anbefalast på det varmaste!
Utsikta er formidabel, sjølv på ein dag med regn! Michael synes det var artig å gå så høgt opp at me gjekk i skyene :)
Om ein likar å gå på ski seier dei at her er eit eldorado om vinteren, men det må eg venta med til.....vinteren....
Frå Rauset støylen kan ein gå vidare til Morafta, Holsegga, Daudalen, Osmundnesskaret med meir. Mulighetane er mange!
