Arnestadnakken, 771 moh, med Barnas turlag 29.05.11

Sesongen med barnas turlag opna idag. Det var på nippet at me vart heime sidan det var kaldt og reg i lufta, men Michael ville så gjerne gå og då let eg meg overtale.

Me køyrde forbi Veslevatnet og opp til Fitjestøylen. Der møtte me dei andre som skulle på skattejakt. Det var opplett når me gjekk og Michael han forsvann opp bakkane. Men etter ca 30 minutt starta det å regna og blåse og når me nådde toppen snøa og hagla det om ein annan. Men me fann turboksane, skreiv oss inn og fann ei lun hole kor me åt maten i ein rasande fart. Det var kaldt og surt, men me kosa oss likevel.

Sidan me er så heldige å bu på Mardal kunne me gå strake vegen heim. Det blei mykje betre å være ute når me kom oss ned frå toppen. Dermed hadde me stopp i skogen før Veslevatnet, ved veslevatnet og når me var nesten nede på Mardal. Ein fin tur.

Michael

Cherie May

Det er mange som likar å gå på Arnestadnakken, det er lett terreng å gå i og utsikta på toppen er flott. Om ein vil kan ein gå over og gå ned på Arnestad.