Gloppestadstøylen

I Gloppen er det mange fine støylar å gå til, kva du vil sjå og evt gjere der avgjer kva for ein du bør velge. På Gloppestad er det ei god og roleg stemning, med beitande husdyr rundt hyttene. Det er kort å gå så enkelt å kome dit både for skrale kne og små barneføter.

I kveld var eg der på elevavslutning. Det var kaffi, kaker, pølser og brød og høg stemning. Elevane leika diverse leikar medan me vaksne for det meste benka oss i ein superduper mjuk sofa, kaffi og koseleg prat inne i ei veldig fin hytte.

Michael koste seg ute saman med dei andre elevane.

Nokre "tjønn" like i nærleiken, mot Kleivane.

For å kome dit køyrer ein E 39 og tek av opp i Fjellbygda, hold til høgre og køyr forbi Utsikten.

Ved den øvste garden er der ei kasse med bompengar, kostar 30 kroner.

  

Køyr vidare til der står skilt Gloppestadstøylen. Herifrå er det fint å gå vidare til Svinestranda eller Haugsvarden.

Om vinteren er det fint å køyre opp til Kleivane og gå på ein passeleg kort skitur til Gloppestadstøylen.

Frå Utsikten ser ein ut over heile Gloppefjorden, her ser ein Sandane og Mardal.

Kleivedammen og Åsen, Mardal bak til høgre.