Breidalen 663 moh. 6. juli

Eg og Helen ville gå til ein stad me ikkje hadde vore idag og. Sidan det var regn og skodde falt valget på Breidalen.

Me køyrde opp til Gimmestadstøylen. Sidan der ikkje var skilt til Breidalen måtte me spørre nokon kor råsa gjekk vidare innover.

 Her er me nesten oppe. Ikkje altid like lett å kome seg over ei elv med to hundar.

Oppe med varden. Me brukte ca ein time opp frå støylen og då gjekk me i eit bedageleg tempo.

Ved elveutløpet står dette naustet. Her er og BRODD si poengbok. 4 poeng for å gå hit. Dei skal ha skryt for for å ha laga ei flott bok!

Desse har eg ikkje sett før, nokon som veit kva dei heiter?

Nydeleg!! Fjellfloraen er fantastisk! Tenk kor dei klamrar seg fast i uvær og vind. Skundar seg å vekse, bløme og så frø før årstida er over.

Ingenting å seia på utsikta! Frå Gimmestadstøylen ser ein store delar av Rygg og over fjorden til Vereide.

Når eg var komen heim frå turen var eg rett på O.K. Henden og kjøpte meg turkart for Gloppen.

(Hææ? Burde eg kjøpt det før??)

I boka "Dagens tur" er der ein tur som går Breidalen rundt. Den freista!! Då går ein opp over Svarthammaren, til Salen, følger ryggen til Blåfjellet, over til Busperraksta og ned att i Breidalen.

Når eg studerar turkartet kan ein gå frå Breidalen opp på Svineryggen (1320 moh), Vidstøylegga (1245 moh) eller ein kan gå frå Svineryggen til Salen og vidare til Byrkjeneset i Gjengedalen. På Byrkjeneset er (var i all fall) ein villmarskcamp som er er verd å besøke) Derifrå kan ein anten gå til Gjengedalsstøylen eller gå vidare til Måsevatnet og Fagredalen. I Fagredalen går ein anten til Fitjestøylen eller til Longvasshytto i Jølster.

Ein litt kortare tur er å gå frå Breidalen, over til Ångsdalen og ned til Langedalsvatnet. Turen er umerkt.

Kva kan eg seia? Her er mykje natur som ventar. Ynskjer meg merka løyper i dette området!!