Etter å ha sjekka yr.no fann me ut at det finaste været i sør noreg var i Seterdalsheiane. Me droppa planen om å gå i Stølsheimen og reiste dit.
Utgangspunktet var Dunsen. 2.5 time frå Stavanger.
Med sekkar på 16 og 17 kilo må eg innrømme at det var tungt å gå til den fyrste hytta Kvinen.
Hytta ligg i nordenden av Kvifjorden ca. 300 m frå Kvinen gård som blei nedlagt i når Kvifjorden vart neddemt. Hytta har 37 sengeplasser fordelt på 1. og 2.etg.
Den vart bygd i 1970 og var dårlig vedlikehalden. Det var bonden på gården som dreiv Kvinen før, men no er det Kristiansand og Opplands turistforening (KOT) som eig og driv den.
På Kvinen hadde me selskap eit eit par frå tyskland, eit par frå Stavanger og far og son. Alle desse (minus tyskarane) skulle gå same rute som oss til Josepshbu og vidare til Gaukhei.
På Kvinen hadde me selskap eit eit par frå tyskland, eit par frå Stavanger og far og son. Alle desse (minus tyskarane) skulle gå same rute som oss til Josepshbu og vidare til Gaukhei.
Me hadde fint vær fyrste dagen, om natta regna det men 2. dagen var det sol frå skyfri himmel!!
På denne strekninga gjekk me over Vardehei, som var turens høgaste punkt med sine 920 moh. Der på toppen hadde me lunsj pause med flott utsyn til alle kantar!
Etter 5.5 timar var me endeleg framme med Josephsbu. Ei flott hytte 880 moh.
Sidan sola skein nytta me høve til å ta oss eit forfriskande bad i vatnet. Kaldt men godt!
Me lagde suppe til middag og hadde hermetiske fersken til dessert, nam nam!!
På denne hytta var dei same som på Kvinen pluss ein far som var på tur med tenårings sønnene sine.
Me våkna opp til skikkelig regnvær og tvilen kom sniklande, skulle me snu?? Men tanken på ferske rundstykker til frukost på Gaukhei freista og var me ikkje vikingar som tålte litt regn? Klart me var så me tok sekken på ryggen og tasla i veg. Etter 3.5 time var me framme. Torden braka i det me fann rommet men me hadde gått nesten utan å ha fått ein dråpe :)
Her var det folk frå ulike hytter, nokon var nett begynt og nokon skulle avslutte turen sin her.
Kl 18.30 fekk me elg gryte med deilig dessert. Her var skjenke løyve så eg kjøpte meg ei kald øl til maten. Himmelsk godt!
Gitt om det smakte godt med ferske rundstykker til frukost langt inne i fjellheimen!! mmmmmm
Været vasr igjen usikkert men denne gangen tok me ein omveg slik at me kor rett tilbake til Kvinen. Men for ein flott dag!! Me brukte 8 timar inkl pause. Men været var stort sett bra, minus den siste 1.5 timen. Det begynte med yr og den siste halvtimen plaska det det ned! Men kva gjorde det når hytta var innanfor synsvidda!
Må ta med at det er lemen år i år! Me såg flust av dei! Artige små skapningar, nokon gongar sinte som fly og andre gongar sprang dei redde mellom føtene når me gjekk. Me såg og mange ryper med ungar.
Ingen kommentarer:
Legg inn en kommentar